माकडाला छत्री दिली, डायरेक्ट हवेत; पण पुढे जे झालं ते धक्कादायक!
सध्या सोशल मीडियावर एक मजेशीर पण धक्कादायक व्हिडीओ चांगलाच व्हायरल होत आहे. अनेकदा आपल्याला सोशल मीडियावर गंमतीशीर, भावनिक किंवा अजब असे व्हिडीओ पाहायला मिळतात. यापैकी एक व्हिडीओ सध्या चर्चेत आहे, ज्यामध्ये एका माकडाशी संबंधित घटना दाखवली आहे.
पावसाळा सुरू आहे, पाऊस सर्वत्र जोरात कोसळतो आहे. माणसांसाठी हा पाऊस आनंददायक असला, तरी प्राण्यांसाठी मात्र त्रासदायक ठरतो. अशाच वेळी एक तरुणी एका माकडाची मदत करण्यासाठी पुढे येते. ती माकडाला पावसापासून वाचवण्यासाठी छत्री देते.
पण अनपेक्षितपणे, त्या छत्रीसकट माकड थेट हवेत उडायला लागतं! जणू काही पॅराशूटसारखं ते वर जाऊ लागतं आणि थेट खाली दरीत झेप घेतं. ही घटना पाहून ती मुलगी आश्चर्यचकित होते आणि तिच्या चांगल्या हेतूचा असा शेवट पाहून हतबल होते.
हा व्हिडीओ j_pawar.0202 या इंस्टाग्राम अकाऊंटवरून शेअर करण्यात आला आहे. लोकही वेगवेगळ्या प्रतिक्रिया देत आहेत. काहीजण म्हणतात, “चांगलं करायला गेली पण उलटंच घडलं!” तर काहीजण त्या मुलीबद्दल सहवेदना व्यक्त करतात.
या आधीही माकडांचे अनेक मजेशीर आणि आश्चर्यकारक व्हिडीओ सोशल मीडियावर व्हायरल झाले आहेत. माकड नेमकं कधी काय करेल, हे सांगणं कठीणच!